Wurde ja auch mal Zeit, dass uns eine individuelle Bewerbung per Mail erreicht. Einen Hausmeister bzw. Facility Manager kann man immer gut gebrauchen, oder? (wenn nur des hessisch net wär!!)
Gude,
Habt ist ein Schobb fer misch Netzwerk?
Isch hab Ihnne Ihr Adress vonerem Kumpel gekrischt un vielleischt habbe se ja ebbes für misch, Zum Beispiel. als Hausmesta.
Isch heiß Karl-Heinz Gebbard, die Kumpels nenne misch allerdings „Schobbe“. Geborn bin isch am 25.10.55 in Hanau. Isch seh zwar älter aus, aber isch war au lang krank. Mei Schulausbildung is 12 Jahr Grundschul,Groß-Krotzebosch mit anschließender Lehre als Feinmeschaniker, Einzelhandelskaufmann un dann Gas-Wasser Inschtallatär.
Die erschte zwei warn nix, die dritt hab isch dann 1989 abgeschlosse. Dadenach war isch korz für 5 Jahr net verfüschbar (isch will net drübber redde, dumm Sach – vergesse beim Aldi zu bezahle…).
Isch bin handweklisch äußerst geschickt un deschnisch wersiert un hätt au grad Zeit, da mein letzte Scheff net mit mir zureschtgekomme is.
Dadezu muß isch saache, daß isch hin un widder gern ema een zwitscher, aber nicht uff die Abbeit, höschstens in de Frühstückspaus un in de Middachspaus un aach e klaa Kaffeepaus werd ja wohl drin sei. Mer werd ja aach viel ruhischer nach so em klaane Hütsche, Sie wisse scho, gell.
Abber zurick zu däm Grund vo meim Schreibe. Isch such Abbeit. Jetzt ker nicht nur so rischtisch was Schweres (mer war ja richtig Jinger, gell), eher so was mit beuffsischtische von Wohnunge un Schigganiere von Leut, die wo da drin wohne – des kann isch.
Des letzte Ma war isch aach Hausmester innerem Hochhaus un glaab isch hab mer da so e paar Fertischkeide angeeischnet, die wo mir bei Ihne helfe könnte.
Isch kann sehr gut:
* Über de Hof brülle
* Kinner vom Rase verscheusche
* Audos uffschreibe die am falsche Packplatz stehe
* Fußbäll platt schtesche
* Tiern uffstemme Otter eitrede
* Im Keller rummgeistere
* Putzplän kontrolliere
* Schmierfinke bei de Polizei abliffern
* Ausländer trietze
* Offebäscher verkloppeAußerdem hab isch aach wie gesacht Heizungsbauer gelernt. Mit der GWS Koth Heddernheim. Hier sind die Zeuschnisse irschendwie verschlampt getragen, net von mir, da bin isch sehr gewissehaft, des muß en annern gewese sei.
Abber Hand uffs Herz – Nur Aanser. Isch dät misch freue, Wenn Sie Gele Fritzsche Heid sagen geben Dade gemischte Emal persehnlisch vorzestelle. (Isch däd au e klaa Likörsche mitbringe – da babbelt sischs leichter, gell).
Ansonste verbleib isch
Ihne Ihrn Karl-Heinz Gebbard
PS. Vor 11.00 gehts net, da hab isch Frühschobbe.
